"Ég var svo lánsöm að fá hana Ragnheiði hjá Blueprint Finance í lið með mér þegar ég hóf rekstur sem sjálfstætt starfandi sjúkraþjálfari. Rekstrarumhverfið er flóknara en ég hafði hugsað mér, það var virkilega gott að fá gott aðhald í upphafi reksturs og geta séð jafnóðum hvernig þróun var á milli vikna og mánaða varðandi tekjur og gjöld. Þannig verður ákvarðanataka auðveldari og markvissari og mjög gott að sjá rekstrarútkomu í lok hvers mánaðar. Þetta er búinn að vera dýrmætur stuðningur og hvatning til að halda áfram á réttri braut. Þar að auki verður lítið mál að gera skattaskýrsluna þegar allt er upp á 10. Ragnheiður er nákvæm, hún hefur mikla reynslu á sínu sviði, hefur góða innsýn inn í fjármálin og getur leiðbeint þér í gegnum óvissuna sem er sérstaklega mikil í upphafi reksturs. Hentar mjög vel fyrir einyrkja eins og mig. Ég mæli 100% með því að hafa bókara sér við hlið við þetta ferli. Það margborgar sig þegar upp er staðið og ég tala nú ekki um að losna við ákveðinn streituvald sem vill oft fylgja bókhaldinu þegar í mörg horn er að líta."

Síðan árið 2004 hefur Ragnheiður séð um bókhaldið fyrir Smíðatækni ehf. sem er starfandi á sviði nýbygginga og fasteigna viðhalds. Óhætt er að segja að Ragnheiður hefur sparað fyrirtækinu ófáar krónurnar í gegnum árin með því að standa skil á öllu gagnvart hinu opinbera, m.a. virðisaukaskattskýrslum, launatengdum gjöldum, ársreikningum og skattaskil. Umfang bókhalds er miklu meira en mig grunaði þrátt fyrir að ég sé að reka tiltölulega lítið fyrirtæki. Ragnheiður er mjög fær í mannlegumskiptum og upplýsingaflæði sem hefur auðveldað mér ákvarðanatöku varðandi reksturinn minn.